F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk:
Endurnýjun gatnalýsingar 2017. Götulýsingalampar. Útboð nr. 14088.
Fyrirhuguð er endurnýjun götulýsingar í nokkrum götum í vesturbæ Reykjavíkur og er leitað eftir lampa sem hefur „nítjándu aldar“ eða „gamaldags“ útlit og er hentugur til notkunar í húsagötum.
Gerð er krafa um ákveðna lampagerð, þ.e. ákveðinn lampi er hafður til viðmiðunar varðandi lögun og ljóstæknilega eiginleika, sjá mynd 1. Þeir lampar sem boðnir verða skulu taka mið af löguninni, en þurfa ekki að vera nákvæm eftirlíking.
Mynd 1.
Notaðir verða núverandi staurar og er bjóðandi bundinn af hæð og staðsetningu þeirra.
Fjöldi lampa er 317 stk.
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl 13:00 þriðjudaginn 21. nóvember 2017.
Nýskráning fyrirtækja hefst með því að smella á „Register“.
Vakin er athygli á að senda verður fyrirspurnir í gegnum útboðsvef innkaupadeildar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef innkaupadeildar Reykjavíkurborgar eigi síðar en: Kl. 10:00, 7. desember 2017.
