Sveitarfélagið Skagafjörður auglýsir eftir tilboðum í jarðvinnu, lagnavinnu, uppsteypu og frágang vegna gervigrasvallar á Sauðárkróki. Verkið felst í uppsteypu stoðveggja, tæknirýmis og undirstaðna undir ljósamöstur, jarðvinnu, frárennslis- og snjóbræðslulagnir, hellulögn o.fl.
Upplýsingar um helstu verkþætti má finna á meðfylgjandi mynd.
Allri uppsteypu ásamt frágangi undir gervigras skal vera lokið eigi síðar en 15. apríl 2018. Lagning gervigrass er ekki hluti af útboði.
Verklok eru 15. júní 2018.
Útboðsgögn verða til afhendingar á Verkfræðistofunni Stoð ehf. á Aðalgötu 21 á Sauðárkróki frá og með mánudegi 31. júlí 2017. Gögn verða afhent á geisladiski, endurgjaldslaust. Einnig er hægt að óska eftir útboðsgögnum í tölvupósti á netfangið atli@stodehf.is.
Tilboð verða opnuð miðvikudaginn 30. ágúst nk. kl. 13:00 á Verkfræðistofunni Stoð ehf. á Sauðárkróki.
