Framkvæmdir standa nú yfir á Kjarvalsstöðum við Klambratún í Reykjavík þar sem unnið er að nýjum salernum, en þau verða ókyngreind. Þannig verður um að ræða alveg lokaða klefa sem ætlaðir eru til notkunar óháð kyni.
Framkvæmdir hófust í byrjun ágústmánaðar og eru verklok áætluð í lok október.
Við hönnun var áhersla lögð á að nýju salernin myndu ríma við þá hönnun sem fyrir er á Kjarvalsstöðum til þess að halda í gamlan anda byggingarinnar, að sögn Ólafs Óskars Axelssonar arkítekts.
Gámar með salernum hafa verið settir fyrir utan Kjarvalsstaði til bráðabirgða meðan á framkvæmdum stendur.
Heimild: Mbl.is
