Bókfært eigið fé Norvik nam 42 milljörðum króna.
Samstæða Norvik, sem telur Byko og fleiri félög, hagnaðist um 1.383 milljónir króna í fyrra, sem er verulegur samdráttur frá fyrra ári þegar hagnaðurinn nam 3.064 milljónum. Tekjur samstæðunnar námu 58.283 milljónum króna, sem er aukning um 1,9% frá fyrra ári.
Norvik rekur átta dótturfélög á byggingavörumarkaði, í fasteignarekstri og timburvinnslu og starfa þau á Íslandi, í Svíþjóð og Lettlandi. Eignir voru bókfærðar á 72.304 milljónir í árslok og eigið fé nam 41.793 milljónum. Stjórn leggur til að 400 milljónir verði greiddar í arð.
Heimild: Vb.is
