Útboð:
Borgarbyggð, Veitur ohf. og Rarik ohf. hafa auglýst sameiginlegt útboð vegna umfangsmikilla gatna- og lagnframkvæmda við Bröttugötu í Borgarnesi.
Verkið felur meðal annars í sér endurnýjun götu og gangstétta ásamt lagningu dreifikerfa fráveitu, vatnsveitu, hitaveitu og rafveitu.
Endurnýjun götu og gangstétta
Framkvæmdir á vegum Borgarbyggðar fela í sér endurnýjun yfirborðs götu, bílastæða og gangstétta.
Helstu magntölur framkvæmdarinnar eru:
- Uppgröftur: 1.760 m³
- Fylling: 310 m³
- Styrktarlag: 1.100 m³
- Burðarlag: 210 m³
- Malbik: 1.100 m²
- Steyptar gangstéttir: 390 m²
Nýjar fráveitu-, vatns- og hitaveitulagnir
Veitur ohf. munu leggja ný dreifikerfi fráveitu, vatnsveitu og hitaveitu samhliða gatnagerðinni.
Helstu magntölur lagnaframkvæmda eru:
- Fráveitulagnir: 240 metrar
- Vatnsveitulagnir: 245 metrar
- Hitaveitulagnir: 320 metrar
- Lagnaskurðir: 1.360 m³
Rarik sér um rafveituframkvæmdir
Framkvæmdir á vegum Rarik fela meðal annars í sér:
- Gröft lagnaskurða
- Vernd eldri lagna
- Niðurtekt og uppsetningu tengiskápa
- Frágang strengja í skurðum
Rarik mun jafnframt sjá um lagningu strengja og jarðvíra ásamt tengivinnu.
Helstu magntölur eru:
- Tengiskápar: 2 stk.
- Raflagnir: 210 metrar
Tilboð opnuð í júní
Útboðsgögn eru aðgengileg á útboðsvef Borgarbyggðar í gegnum Ajour útboðskerfið frá 19. maí 2026. Sækja má þau hér.
Skilafrestur tilboða er til klukkan 10:00 þann 5. júní 2026.
Umsjónaraðili útboðsins er Hlynur Ólafsson, verkefnastjóri framkvæmda hjá Borgarbyggð.
Heimild: Borgarbyggð
