F.h. Umhverfis- og skipulagssviðs Reykjavíkurborgar er óskað eftir tilboðum í verkið:
Skóli, menningarhús, bókasafn og sundlaug 2. áfangi – Frágangur innanhúss EES útboð nr. 14006.
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – Frá kl. 14:00 mánudaginn 19. júní 2017.
Finna má leiðbeiningu um nýskráningu fyrirtækja á vefslóðinni http://reykjavik.is/utbodsauglysingar – Nýskráning fyrirtækja hefst með því að smella
„New supplier registration“ og fylgja leiðbeiningum á skjá.
Vakin er athygi á að senda verður fyrirspurnir í gegnum útboðsvef innkaupadeildar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef innkaupadeildar Reykjavíkurborgar eigi síðar en: Kl. 14:00 þann 14. ágúst 2017.
Lauslegt yfirlit yfir verkið:
Verkið felst í fullnaðarfrágangi inni. Um er að ræða nýja skólabyggingu 2. áfanga Dalsskóla í Úlfarsárdal. Skólabyggingin er sunnan við Úlfarsbraut og austan við núverandi 1. áfanga Dalsskóla (leikskóla) í Úlfarsárdal.
Helstu verkþættir eru:
Frágangur innanhúss: Múrverk, léttir innveggir og klæðningar, frágangur gólfa og veggja, frágangur lofta, innihurðir, glerveggir, hurðir, málun ásamt innréttingum.
Raflagnir: Lágspennukerfi, lýsingakerfi, smáspennukerfi, hússtjórnarkerfi, innbrota- og aðgangskortakerfi, myndavélaeftirlitskerfi.
Lagnir: Neysluvatnslagnir, Gólfhitalagnir, Þrifatæki, Vatnsúðakerfi OH1, Loftræsikerfi.
