Stefnt er að útboði verklegrar framkvæmdar Húss íslenskra fræða í sumar og að framkvæmdir hefjist í haust. Verklok eru áætluð árið 2020. Byggingin mun rísa á lóð nr. 5 við Arngrímsgötu. Byggingin verður þrjár hæðir og kjallari, um 6.500 fermetrar, auk um 2.200 fermetra opinnar bílageymslu.
Hús íslenskra fræða.
1. áfangi, jarðvinna.
Útboð á eftirliti, byggingarstjórn og rýni útboðsgagna var auglýst í mars sl. og tilboðum skilað 2. maí sl. Þrjú tilboð bárust. Sem stendur er unnið að mati á hæfi tilboða og mun niðurstaða liggja fyrir á næstu dögum.
Hús íslenskra fræða mun hýsa fjölbreytta starfsemi Stofnunar Árna Magnússonar í íslenskum fræðum og Íslensku- og menningardeildar Háskóla Íslands. Þar verður miðstöð rannsókna og kennslu í íslenskum fræðum; tungu, bókmenntum og sögu. Húsið mun sömuleiðis varðveita frumgögn um íslenska menningu; handrit, skjöl, orða- og nafnfræðisöfn og þjóðfræðasöfn.
Verkkaupi er mennta- og menningarmálaráðuneytið og verkefnastjóri Framkvæmdasýslu ríkisins er Bergljót S. Einarsdóttir.
Ráðgjafar
Eftirtaldir aðilar eru ráðgjafar verksins:
- Hönnun byggingarinnar og landmótun: Hornsteinar arkitektar ehf.
- Burðarþols- og lagnahönnun: Almenna verkfræðistofan hf. / nú Verkís hf.
- Rafmagnshönnun: Verkfræðistofa Jóhanns Indriðasonar / nú Lota ehf.
- Hljóð-, bruna- og öryggishönnun og umhverfisvottun: Verkfræðistofan Efla hf.
- Lýsingarhönnun: Hollenska fyrirtækið Arup.
Heimild: Framkvæmdasýslan
