Sveitarfélagið Árborg óskar eftir tilboðum í : „Kirkjuvegur 2017“
Verkið felur í sér endurgerð Kirkjuvegar, þ.e. jarðvegsskipti götu, endurnýjun stofnlagna fráveitu, vatnsveitu og hitaveitu, ásamt lagningu ídráttarröra fyrir Mílu og HS-veitur.
Verkið felur meðal annars í sér þverun Eyravegar, ásamt lagningu vatnsveitu í gangstétt Eyravegar frá Tryggvatorgi að Kirkjuvegi.
Að lokum skal malbika götu og ganga frá yfirborði gangstétta. Verkmörk eru gangstétt meðfram Eyravegi frá Tryggvatorgi að Kirkjuvegi, norðan Eyravegar. Einnig gatnamót Eyrarvegar og Kirkjuvegar, niður Kirkjuveg að lóðarmörkum nr. 12 og 14. Lengd endurgerðar Kirkjuvegar er um 150m.
Verklok eru 15. ágúst 2017.
Helstu magntölur eru:
•Gröftur á lausu efni 4000 m³
•Fleygun 600 m³
•Neðra burðarlag 4100 m3
•Fráveitulagnir 435 m
•Vatnsveitulagnir 475 m
•Hitaveitulagnir 352 m
Útboðsgögn verða afhent á rafrænu formi frá og með fimmtudeginum 2. febrúar 2017. Þeir sem hyggjast gera tilboð í verkið skulu hafa samband við Ingibjörgu á skrifstofu Eflu á Suðurlandi í síma 412 6900, eða með tölvupósti í netfangið utbod.sudurland@efla.is og gefa upp nafn, heimilisfang, síma og netfang og fá í kjölfarið útboðsgögnin send í tölvupósti.
Tilboðum skal skila til Eflu verkfræðistofu, Austurvegi 1-5, 800 Selfoss fyrir kl. 11.00 fimmtudaginn 23. febrúar 2017 og verða þau opnuð þar að viðstöddum þeim bjóðendum sem þess óska.
Framkvæmda og veitusvið Árborgar
