Framkvæmdum við Vatnsstíg í Reykjavík lauk nýlega en þær voru umdeildar meðan á þeim stóð. Íbúar og fyrirtækjaeigendur voru orðnir verulega þreyttir á ónæði og stjórnleysi sem þeir sögðu að hefði einkennt þessa framkvæmd.
Á Facebooksíðu Veitna eru birtar myndir af svæðinu fyrir og eftir að framkvæmdum lauk. Þar kemur fram að allar lagnir hafi verið endurnýjaðar en þær elstu voru frá árinu 1915.
Verkið tafðist nokkuð og upphaflega var gert ráð fyrir að skiladagur gatnaframkvæmda væri 22. ágúst á síðasta ári. Fullnaðarfrágangi átti svo að ljúka í janúar.
Heimild: Mbl.is
