Vegagerðin býður hér með út hrunvarnir meðfram Hringveginum við Holtsnúp undir Eyjafjöllum. Skorið er inn í hlíðina á um 360 m kafla og efni notað í lagfæringu vegfláa á um 1000 m kafla. Hrunvarnir úr svokölluðum gabion grindum verða reistar á um 300 m kafla. Setja skal púða úr styrktarlagsefni undir gabion grindurnar. Verktaki skal vinna í vegfláum jafnóðum og eftir því sem verkinu vindur fram og í lokafrágangi.
Helstu magntölur eru:
- Skeringar, 4.200 m3
- Fláafleygar, 3.200 m3
- Styrktarlag, óunnið 0/90 700 m3
- Frágangur fláa, 11.400 m2
- Gabionar, 340 stk.
Verkinu skal að fullu lokið eigi síðar en 15. ágúst 2026.
Útboðsgögn eru afhent rafrænt í TendSign útboðskerfinu. Afhending gagnanna er án endurgjalds, frá og með þriðjudeginum 3. mars 2026 og skal tilboðum skilað rafrænt í því útboðskerfi fyrir kl. 14:00 þriðjudaginn 17. mars 2026.
Ekki verður haldinn sérstakur opnunarfundur en eftir lok tilboðsfrests verður bjóðendum tilkynnt um nöfn bjóðenda og heildartilboðsupphæð.
