17.03.2026 Landsvirkjun. SIG10: Stækkun Sigöldustöðvar

Landsvirkjun óskar eftir tilboðum í stækkun Sigöldustöðvar eins og lýst er í SIG10 útboðsgögnunum.

Verkefnið felst í greftri fyrir viðbyggingu, þrýstipípu sem og breikkun á frárennslisskurði næst stöðvarhúsinu. Í verkinu felst uppsteypa og allur frágangur viðbyggingar, steypa utan um þrýstipípu sem og niðurrif núverandi gaflveggs. Auk þess felur verkefnið í sér framlengingu á núverandi kerfum stöðvarhúss, svo sem kranabrautum, lágspennu, smáspennu, fjarskiptum, myndavöktun (CCTV), brunavörnum, öryggis- og aðgangsstýringu, vatnsveitu, fráveitu, loftræstingu og hitun, yfir í viðbyggingu stöðvarhúss (þar með talin önnur hjálparkerfi eftir því sem við á).

Samningur SIG10 felur jafnframt í sér byggingu og niðurrif bráðabirgðastíflu í frárennslisskurði stöðvar ásamt viðeigandi bakkavörnum meðfram skurðinum.

Þá felur samningurinn í sér tilteknar endurbætur á núverandi stöðvarhúsi og frárennslisskurði.

Samningur SIG10 felur einnig í sér afhendingu steypu til verkkaupa í þeim tilgangi að steypa þrýstipípu inn í steypta rás í núverandi inntaksstíflu. Framkvæmd þeirrar steypuvinnu er hluti af samningi SIG33.

Nánari upplýsingar um verkefnið og umfang þess er að finna í útboðsgögnum nr. 2025-51 sem aðgengileg eru á útboðsvef Landsvirkjunar, utbod.landsvirkjun.is.

Sjá frekar.