Skipulagsyfirvöld í Reykjavík hafa til umsagnar fyrirspurn ÞG verktaka ehf. um uppbyggingu hótels á lóð nr. 2 við Grandagarð samkvæmt teikningum Glámu-Kím arkitekta. Verkefnastjóri skipulagsfulltrúa fer nú yfir erindið.
Á lóðinni Grandagarður 2 stendur Alliance-húsið, sem er friðað. Lóðin býður upp á mikla möguleika til uppbyggingar. Til fjölda ára hafa verið áform um byggingarframkvæmdir en ekkert hefur orðið af þeim af ýmsum ástæðum.
Í fyrirspurn ÞG verktaka er sótt um leyfi til að endurnýja Alliance-húsið í samráði við Minjastofnun og rífa seinni tíma viðbyggingu við húsið. Í viðbyggingu er engin starfsemi í dag en þar var áður til húsa noðurljósasýningin Aurora.
Heimild: Mbl.is
