Þorvaldur H. Gissurarson forstjóri og eigandi ÞG Verk er kominn á nýtt ökutæki. Um er að ræða Bentley Continental GT Mullinger. Bíllinn er tveggja dyra, kolsvartur að lit og kom á göturnar 2. október. Bíllinn hefur vakið athygli í umferðinni enda ekki á færi venjulegs launafólks á almennum vinnumarkaði að keyra um á slíkri græju.
Hóflegasta útgáfan af samskonar ökutæki kostar í kringum 50.000.000 kr. erlendis og þá á eftir að flytja gripinn til Íslands og tollafgreiða bílinn. Bíllinn gengur bæði fyrir bensíni og rafmagni.
Mullinger útgáfan Bentley Continental GT er flaggskipið. Í þessi útgáfa af bílnum er hægt að fá allan þann lúxus sem hugsast getur. Bentley býður upp á að fólk geti sérvalið hvert einasta smáaatriði inn í bílinn og sérvalið munstur í sætin og jafnvel fengið þau bróderuð.
Það hefur gengið vel hjá Þorvaldi. Hann stofnaði ÞG Verk árið 1998 og hefur rekið fyrirtækið á sömu kennitölunni allar götur síðan.
Smartland óskar Þorvaldi til hamingju með bílinn!
Heimild: Mbl.is
