F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk:
Hlíð, Sólhlíð – Endurgerð húsnæðis, útboð nr. 16198.
Lauslegt yfirlit yfir verkið :
Leikskólinn Hlíð – Sólhlíð stendur við Engihlíð 6-8, Reykjavík sem var upphaflega byggt sem íbúðarhús. Íbúðarhúsnæðinu var breytt í leikskóla og hefur verið starfræktur sem slíkur í fjölda ára.
Húsið hefur staðið autt í nokkurn tíma vegna myglu, rakaskemmda og múrskemmda sem greindist í húsinu. Húsið er steypt, málað að utan og var einangrað að innan. Í dag er búið að hreinsa alla einangrun úr húsinu og filtera útveggi að innanverðu. Þak byggingarinnar er klætt bárujárni. Leikskólinn er á tveim hæðum ásamt kjallara og risi.
Í kjallara byggingarinnar verður anddyri og fataherbergi, framleiðslueldhús, inntök, þvottahús, kaffistofa starfsmanna, undirbúningsrými, fundarherbergi, hreyfisalur og salerni. Á fyrstu hæð eru fjórar stofur ásamt föndurrými, kubbaherbergi og tveimur salernum. Á annarri hæð eru einnig fjórar stofur, sérkennsla, fundarherbergi, kubbaherbergi, skrifstofa leikskólastjóra og salerni. Í risi verður loftræsisamstæða leikskólans.
Um er að ræða byggingarleyfisskylda framkvæmd þar sem til stendur meðal annars að einangra húsið að utan, setja múrklæðningu á það og laga sprungur í útveggjum. Nýir gluggar eru komnir í húsið en skipta á um útihurðir.
Innandyra þarf að spartla og mála veggi auk þess að endurnýja gólfefni og setja upp innréttingar og hurðir. Skipta skal út öllum fráveitulögnum, neysluvatnskerfi og hitakerfi.
Sett verður loftræsikerfi með nýjum brunalokum og loftstokkum. Gólfhita og snjóbræðslu verður bætt við þar sem á við. Raflögnum, tenglum og lýsingu verður skipt út og ljósastýringarkerfi verður innleitt ásamt því að uppfæra brunaviðvörunarkerfi. Aðgangsstýringu verður bætt við.
Áætluð lok framkvæmdar er 1. apríl 2027.
Útboðsgögn verða eingönguaðgengileg á útboðsvef Reykjavíkurborgar á vefslóðinni: http://utbod.reykjavik.is– frá kl. 14:00, 26. ágúst 2025. Smellið á íslenska fánann til að fá útboðsvefinn upp á íslensku. Nýskráning fyrirtækja hefst með því að smella á „Nýskráning“.
Vakin er athygli á að senda verður fyrirspurnir í gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:00 þann 7. október 2025.
