Brunavarnir Árnessýslu stóðu fyrir æfingu á Lækjamótavegi sunnan við Selfoss í gærkvöld. Kveikt var í gömlu húsi í þágu æfingarinnar.
Slökkviliðið
Fréttastofu bárust tilkynningar frá vegfarendum um alelda hús og þykkan svartan reyk sunnan við Selfoss á áttunda tímanum í gær. Lárus Kristinn Guðmundsson varaslökkviliðsstjóri hjá Brunavörnum Ánessýslu segir í samtali við fréttastofu að um æfingu sé að ræða. Kveikt hafi verið í gömlu húsi og slökkviliðsmenn berjist nú við eldinn.
Slökkviliðið
Í tilkynningu frá Lögreglunni á Suðurlandi segir að fyrirspurnir og tilkynningar vegna eldsins hafi borist en engin hætta sé á ferðum.
Heimild: Visir.is
