Framkvæmdir við uppbyggingu á þéttingareit við Hafnargötu 22-24 í Keflavík eru hafnar. Jarðvinna er hafin á svæðinu og undirbúningur þess að flytja húsin Hafnargötu 22 og 24 á nýjar lóðir en húsin verða svo endurbyggð samkvæmt núverandi útlitsteikningum á Kirkjuveg 8 og Klapparstíg 11 í Keflavík.
Á Hafnargötu 22-24 mun myndast glæsilegur miðbæjarkjarni með 24 íbúðum og verslun/veitingarstaði á fyrstu hæð með porti þar sem gæti myndast skemmtileg stemning þegar vel viðrar úti, svo vitnað sé í síðu framkvæmdaaðilans, Reykjanes Investment.
Einnig verða stæði í bílastæðahúsi. Drónamyndirnar voru teknar yfir framkvæmdasvæðið í síðustu viku. Þá eru einnig hér sýndar útlitsteikningar af þeim mannvirkjum sem munu rísa á svæðinu.
Heimild: Vf.is
