Fjögur tilboð bárust í smíði tæknirýmis við nýjan gervigrasvöll sem tekinn verður í notkun í Hveragerði í sumar. Frumskógar ehf í Hveragerði áttu lægsta tilboðið.
Tilboð Frumskóga hljóðaði upp á 15,6 milljónir króna, sem er 70,1% af kostnaðaráætlun verksins. Áætlaður kostnaður Hveragerðisbæjar við verkið var 22,3 milljónir króna.
Þrjú önnur tilboð bárust í verkið: BB verk bauð 26,5 milljónir króna, KB smíði 29,4 milljónir og GH smíði 36,1 milljón króna.
Bæjarráð Hveragerðisbæjar hefur samþykkt að taka tilboði Frumskóga en verkinu á að vera lokið þann 1. maí næstkomandi.
Heimild: Sunnlenska.is
