Home Fréttir Í fréttum Alþingi – hönnunarsamkeppni um nýbyggingu á Alþingisreit

Alþingi – hönnunarsamkeppni um nýbyggingu á Alþingisreit

212
0

20352 – Alþingi – hönnunarsamkeppni um nýbyggingu á Alþingisreit

ALÞINGI – NÝBYGGING

<>

Hönnunarsamkeppni

20352 – Framkvæmdasýsla ríkisins, f.h. Alþingis býður til opinnar hönnunarsamkeppni (framkvæmdasamkeppni) um nýja byggingu fyrir Alþingi á Alþingisreit.

Um er að ræða um 4500 m² byggingu, auk um 1200 m² bílakjallara.  Byggingin mun hýsa  starfsemi Alþingis, þ.e. aðra starfsemi en þá sem er og verður í Alþingishúsinu, Skála og öðrum byggingum við Kirkjustræti sem tilheyra Alþingi.  Aðallega er um að ræða aðstöðu fyrir þingmenn og þingflokka og nefndastörf, auk rekstrar- og þjónustusviðs.

Tvö fyrirspurnartímabil eru í samkeppninni og lýkur því fyrra 15. ágúst n.k. en því síðara 22. september.  Skilafrestur tillagna er 25. október  2016, fyrir kl. 16:00 hjá Ríkiskaupum.

Veitt verða  verðlaun að heildarfjárhæð 14 milljónir kr.  þar af verða fyrstu verðlaun 7 m.kr.

Gert er ráð fyrir að útboðsgögn verði tilbúin á vormánuðum  2017 og að vígsla byggingarinnar gæti orðið um áramót 2019/20.

Samkeppnin fer fram í samvinnu við Arkitektafélag Íslands og er auglýst á EES.

Nánari upplýsingar er að finna í samkeppnislýsingu sem verður aðgengileg á vef Ríkiskaupa, www.rikiskaup.is útboðsnúmer 20352, frá og með þriðjudeginum 28. júní 2016.  Til að nálgast ítargögn verður að skrá sig til þátttöku á vefnum en gögn verða einnig fáanleg á minniskubbi, gegn framvísun staðfestingar á þátttöku og  3.500,- kr. greiðslu, hjá Ríkiskaupum, Borgartúni 7c, 105 Reykjavík. Skrifstofa Ríkiskaupa er opin virka daga frá kl. 9:00 – 15:00.