Fólk getur nú kynnt sér allar framkvæmdir við stofnvegi, Borgarlínu og göngu- og hjólastíga á nýrri upplýsingagátt sem heitir Verksja.is
Þetta kemur fram í tilkynningu frá Betri samgöngum.
Á verksja.is má finna upplýsingar um allar helstu framkvæmdir sem heyra undir Samgöngusáttmálann: yfirlitskort, stöðu framkvæmda, umfang, áætluð verklok, myndefni og ýmsan annan fróðleik.
Meðal framkvæmda í uppfærðum Samgöngusáttmála eru sex ný verkefni við stofnvegi á höfuðborgarsvæðinu auk þeirra þriggja sem þegar er lokið. Þá er bygging Fossvogsbrúar hluti af fyrstu lotu Borgarlínu en framkvæmdir á henni eiga að hefjast snemma á næsta ári. Auk þeirra má nefna uppbyggingu um 100 kílómetra hjóla- og göngustígakerfis á höfuðborgarsvæðinu en framkvæmdum er þegar lokið við um 20 kílómetrum af stígum.
Heimild: Visir.is
