Hluti þriggja hæða fjölbýlishúss hrundi í hollensku borginni Haag í morgun eftir að sprenging varð og eldur kom upp. Nokkrum hefur verið bjargað úr húsinu en viðbragðaðilar eru enn að störfum.
Hluti þriggja hæða fjölbýlishúss hrundi í hollensku borginni Haag í morgun eftir að sprenging varð og eldur kviknaði í húsinu. Hollenski miðillinn NOS segir að fjórum hafi verið bjargað úr húsinu og þeir fluttir á sjúkrahús en að viðbragðsaðilar séu enn að störfum.
Ekki er ljóst hvað leiddi til sprengingarinnar.
EPA-EFE – JOSH WALET
Á tveimur efri hæðum hússins eru íbúðir en á fyrstu hæð eru verslanir. Af myndum af dæma er tjón á húsinu töluvert. Nokkrar íbúðir urðu fyrir miklum skemmdum að sögn hollenska miðilsins Regio15. Sjúkrabílar hafi verið kallaðir út frá fjórum umdæmum.
Heimild: Ruv.is
