Uppfæra þarf viðbragðsáætlanir fyrir Hvalfjarðargöng og hrinda af stað áformum um ný samtengd göng, segir slökkviliðsstjórinn á höfuðborgarsvæðinu. Vegagerðin vinnur að því að rýna í gögn eftir rútubrunann skammt frá Vestfjarðagöngunum.
Tímabært er að uppfæra viðbragðsáætlanir jarðganga í samræmi við áhættu, segir Jón Viðar Matthíasson, slökkviliðsstjóri á höfuðborgarsvæðinu, í kjölfar rútubrunans skammt frá Vestfjarðagöngum um helgina.
Jón Viðar segir umferðarþungann í Hvalfjarðargöngum til að mynda vera orðinn miklu meiri en hönnunarforsendur gerðu ráð fyrir. Það sé tímabært að byggja önnur göng við hliðina á þeim, líkt og áform hafa verið um lengi.
Í október á síðasta ári kviknaði í fólksbíl í tvíbreiðum Hvalfjarðargöngunum.
Heimild: Ruv.is
