17.05.2016 Dalskóli – Jarðvinna, færsla lagna og aðstöðusköpun

Verkið felst í aðstöðusköpun, jarðvinnu og upprifi vegna 2. áfanga Dalskóla, – Skóli, menningarhús, bókasafn og sundlaug að Úlfarsbraut 122-124 á vegum Reykjavíkurborgar. Framkvæmdir eru hafnar á svæðinu, þar sem 1. áfangi Dalskóla er nú í byggingu, 1. áfangi er leikskóli sem mun taka til starfa á komandi hausti. Fyrir er því vinnugirðing á svæðinu ásamt aðstöðu verkataka sem vinna að framkvæmdum við leikskólann. Verktaki tekur við svæðinu í því ástandi sem það við opnun tilboðs. Verktaka er skylt að kynna sér aðstæður á verkstað á tilboðstíma.
Aðstöðusköpun: Girða þarf svæðið af með vinnugirðingu, að hluta þarf að færa núverandi girðingu. Einnig þarf að setja nýja til viðbótar þá sem fyrir er. Jarðvinna felst í uppgreftri á lausum jarðvegi og brottakstri, upprif gangstétta og malbikaðs bílastæðis ásamt niðurtekt ljósastaura.

Helstu magntölur:
• Vinnugirðing, uppsetning og tilfærsla á eldri girðingu:  520m
• Uppgröftur og brottakstur á mold:  9.000m³
• Uppgröftur og tilfærsla á burðarhæfum jarðvegi innan lóðar:  8.000m³
• Upprif á malbiki:  1.750 m²
• Upprif á steyptum flekum:  300 m²

Hluti af verkinu er færsla á skólp- og regnvatnslögn sem liggur í gegnum framkvæmdasvæðið. Lagnir þessar eru á vegum Veitna ohf. og eru Veitur því verkkaupi í þeirrar framkvæmdar.

Helstu magntölur eru:
•  Gröftur: 2.235 m3
•  Fylling: 2.040 m3
•  Lagning Ø710 pl fráveitulagnar: 102 m
•  Lagning Ø600 st fráveitulagnar: 235 m
•  Lagning Ø400 pl kaldavatnslagnar: 220 m
•  Lagning Ø600 pl ídráttarrörs: 50 m
•  Lagning Ø1000 pl ídráttarrörs:  100 m

Útboðsgögn á geisladiski verða seld á 3.000 kr. frá og með þriðjudeginum 3. maí 2016 í afgreiðslu þjónustuvers Reykjavíkurborgar, Borgartúni 12 – 14, 105 Reykjavík.

Opnun tilboða: Þriðjudaginn 17. maí 2016 kl. 10:15 í Borgartúni 12-14. Tilboðum skal skilað í þjónustuver Reykjavíkurborgar.