Vinna er langt komin við að reisa enn einn varðargarðinn við Grindavík, í norðanverðu Sýlingarfelli.
Nokkru sunnar, við Hagafell, eru miklar sprungur og varasamt getur verið að fara þar um.
Margir starfsmenn verktakafyrirtækja hafa verið við störf í nágrenni Grindavíkur nánast sleitulaust frá því í nóvember í fyrra. Þó er engan bilbug á þeim að finna, og vinna við enn einn varnargarðinn er langt komin.
Garðinum er ætlað að létta álagið á stóra varnargarðinum sem ver mannvirki í Svartsengi.
Um tuttugu þúsund rúmmetrar af efni fara í byggingu hans og mun hann standa um tuttugu og fimm metra yfir landslaginu.
Heimild: Ruv.is
