Eykt heldur af krafti áfram að steypa upp bílastæða- og tæknihúsið, sem í daglegu tali gengur undir nafninu BT hús.
Í bílastæðahluta hússins eru 16 bílastæðapallar og er búið að steypa 12 þeirra.
„Uppsteypa hússins er því langt á veg komin en hún er nokkuð háð veðri. Skipst hefur á vorveður og fimbulkuldi auk nokkurra rokdaga og hefur frekar hægt á framleiðslu síðustu vikur.
Stefnt er að því að fullljúka húsinu á þessu herrans ári 2024,” segir Sigurjón Sigurjónsson verkefnastjóri.
Heimild: NLSH ohf.
