Enn er vinna í gangi við varnargarðinn við Grindavíkurveg þrátt fyrir að hraunflæðið sé einungis örfáum metrum frá. Miðað við hraða hraunsins er ljóst að vinnuflokkurinn getur ekki unnið mikið lengur.
Úlfar Lúðvíksson lögreglustjóri staðfestir þetta í samtali við fréttastofu.
„Það er vinna í gangi þarna við varnargarðinn við Grindavíkurveg en það styttist í að sá vinnuflokkur hverfi á brott,“ segir hann.
Hann staðfestir þó að ekki séu aðrir á svæðinu þar sem ljóst er að bráðum flæði hraun yfir Grindavíkurveg. Varnargarðurinn sem er þar er því eins og staðan gefur til kynna ekki ýkja hár.
Heimild: Visir.is
