Fyrsta skóflustungan að Móahverfi á Akureyri var tekin í morgun. Hverfið rís norðvestanmegin í bænum en gert er ráð fyrir um 1.100 íbúðum þar.
Fyrstu skóflustungurnar voru í raun þrjár og voru teknar af Höllu Björk Reynisdóttur, forseta bæjarstjórnar, Heimi Erni Árnasyni, formanni bæjarráðs, og Andra Teitssyni, formanni umhverfis- og mannvirkjaráðs.
Gert er ráð fyrir 1.100 íbúðum í hverfinu sem hýsa allt að 2.400 manns. Strax í dag hefjast framkvæmdir við gatnagerð og lagnavinnu.
Áætlað er að fyrsta verkhluta ljúki fyrir maí á næsta ári og síðasta verkhlutanum vorið 2025.
Heimild: Visir.is
