![17.09.2023 JÁVERK rafvæðir bílaflotann](https://byggingar.is/wp-content/uploads/2023/09/17.09.2023-JAVERK-rafvaedir-bilaflotann-640x480.jpeg)
Toyota Selfossi afhenti verktakafyrirtækinu JÁVERK sex nýja Toyota ProAce rafmagnsbíla í vikunni, en bílarnir leysa af hólmi eldri jarðeldsneytisbíla fyrirtækisins.
„Við erum afar stolt af því að fá að vera samferða JÁVERK í þessum málum. Þetta er glæsileg viðbót við bílaflota þeirra og er enn eitt skrefið í vegferð JÁVERK að bættum umhverfismálum,“ segir Haukur Baldvinsson, framkvæmdastjóri Toyota Selfossi.
JÁVERK hefur unnið markvisst að umhverfismálum en í apríl síðastliðnum fékk fyrirtækið verðlaunin Kuðunginn, umhverfisviðurkenningu umhverfis-, orku- og loftslagsráðuneytisins, fyrir framúrskarandi starf að umhverfismálum.
Heimild: Sunnlenska.is