Umhverfissvið Mosfellsbæjar, óskar eftir tilboðum í verkið: Reykjakot – eldhúsbygging.
Tilboð skal gera samkvæmt útboðsgögnum þessum eins og þeim er lýst í grein 0.2.1 „Útboðsgögn“.
Lauslegt yfirlit yfir verkið
Um er að ræða alverktöku við uppsteypu botnplötu og byggingu á léttu mannvirki í samræmi við meðfylgjandi grunnmynd. Niðurrif og förgun á núverandi eldhúseiningu er hluti af verkinu.
Helstu verkþættir eru eftirfarandi:
- Rif og förgun á núverandi stofu
- Uppbygging og innrétting nýs mannvirkis.
- Flutningur og tenging stofu við nýtt mannvirki
Helstu magntölur eru:
- Eldhúsbygging (áætlað heildarflatarmál) 97 m2
- Innveggir 69 m2
- Gólfplata undir stofu, steypt m. gólfefni 104 m2
- Fráveitulagnir í gólfplötu 25 m
Verkið skal vinnast í einni samfellu við upphaf framkvæmda á verkstað en verktaki skal gera verkáætlun þannig að rif og uppbygging á verkstað taki sem minnstan tíma.
Verkinu skal að fullu lokið samræmi við ákvæði útboðsgagna þann 1. ágúst 2024 og í nánu samráði við verkkaupa.
Kynningarfundur er miðvikudaginn 6. september kl. 11:00. Mæting á bílastæði við Reykjakot.
Útboðsgögn verða afhent rafrænt til þeirra sem þess óska. Senda skal netpóst á mos@mos.is, þar sem tilgreina þarf nafn fyrirtækis og tengiliðs. Einnig er hægt að hafa samband við þjónustuver Mosfellsbæjar í síma 525-6700.
Tilboðum skal skilað á netfangið mos@mos.is eða í þjónustuver Mosfellsbæjar, eigi síðar en miðvikudaginn 27. september 2023 kl. 11:00 og þau opnuð á fundi kl. 11:30 þann sama dag að viðstöddum þeim bjóðendum sem þess óska.
