Skipulagsráð Akureyrar tók fyrir á fundi sínum í þessari viku erindi frá Ágústi Hafsteinssyni fyrir hönd Klettabjargar efh þar sem sótt er um breytingu á deiliskipulagi fyrir lóð nr, 1 við Viðjulund.
Breytingin er að allar byggingar á lóð Viðjulundar 1 verði rifnar og í stað þeirra yrðu reist tvö stakstæð fjölbýlishús á allt að sex hæðum auk kjallara.
– Fjöldi íbúða yrði allt að 36 og þrjár íbúðir á hverri hæð hvorrar byggingar.
– Að hálfniðurgrafinn bílastæðakjallari yrði byggður með 36 bílastæðum í kjallara og 30 stæðum á þaki.
– Innakstur í bílakjallara yrði frá Skógarlundi að austan og inn á þak frá Furulundi að vestan.
– Lóð Viðjulundar 1 yrði stækkuð til norðvesturs um 91 m² og sameiginleg innkeyrsla Viðjulundar 1, 2A og 2B yrði einungis fyrir Viðjulund 1.
Skipulagsráð frestaði afgreiðslu og fól skipulagsfulltrúa að ræða við umsækjanda um framhald málsins.
Heimild: Vikubladid.is
