Ríkiskaup hafa birt auglýsingu fyrir hönd utanríkisráðuneytisins og varnarmálasviðs Landhelgisgæslunnar þar sem vakin er athygli á upplýsingabeiðni „í tengslum við fyrirhugað útboð á byggingu vöruhúsa fyrir bandaríska flugherinn á öryggissvæðinu á Keflavíkurflugvelli“.
Hefur flugherinn óskað eftir framlagi upp á 94 milljónir bandaríkjadala vegna framkvæmdanna, eða sem nemur tæplega 13 milljörðum íslenskra króna.
Hjörtur J. Guðmundsson, sagnfræðingur og alþjóðastjórnmálafræðingur, segir þetta lið í því að tryggja enn frekar ásamt öðru að Bandaríkin séu í stakk búin til að standa við skuldbindingar sínar gagnvart Íslandi í samræmi við varnarsamninginn á milli landanna.
Bandaríkin séu skuldbundin til að sjá til þess að ávallt sé hér á landi nauðsynlegur búnaður svo tryggja megi varnir. Þá kallar Hjörtur eftir opinni og hreinskilinni umræðu um varnarmál hér á landi.
Heimild: Mbl.is
