Landsnet óskar eftir tilboðum í verk vegna Kröflulínu 2 sem lýst í útboðsgögnum auðkenndum sem KR2-01, Kröflulína 2: Jarðvinna og undirstöður.
Kröflulína 2 liggur frá tengivirki við Kröflu að tengivirki í Fljótsdal alls um 123 km. Sá hluti sem um ræðir í þessu útboði er nærri enda línunnar, nánar tiltekið á Teigsbjargi og undir því. Um er að ræða gerð undirstaða og stagfesta fyrir fjögur möstur í línunni (1014-1017) sem verður skipt um.
Mikilvægt er að verkið hefjist tímanlega, eða eins og aðstæður á verkstað leyfa og sé unnið á sem stystum tíma. Það er gert þar sem reisa þarf ný möstur og strengja línukaflann fyrir veturinn 2022-2023 ef hægt er, annars fyrri hluta sumars 2023. Verksvæðið er að hluta til í mikilli hæð (> 600 m.y.s.) og þarf því að sæta lagi með framkvæmdina.
Ráðgerðar framkvæmdir í þessu verki eru í höfuðatriðum eftirfarandi:
a. Lagfæra og gera plön við mastursstæði tveggja mastra.
b. Koma fyrir forsteyptum undirstöðum og stagfestum í möstrum 1014 og 1015.
c. Gera staðsteyptar undirstöður undir möstur 1016 og 1017.
d. Fjarlægja og farga undirstöðum og stagfestum mastra 1014 og 1015.
e. Tilfallandi viðhald eða styrking á vegslóðum.
f. Koma fyrir stagfestum, ýmist forsteyptum staghellum eða bergboltum í möstrum
1014 og 1015.
g. Leggja til og koma fyrir jarðskautum.
h. Nauðsynleg jarðvinna til að ljúka ofantöldum verkliðum.
Nánari lýsingu á verkinu er að finna í útboðsgögnum sem aðgengileg eru á útboðsvef Landsnets.
