Nú standa yfir framkvæmdir á gatnamótum Sæbrautar, Vatnagarða og Sægarða í Reykjavík, sem ætlað er að greiða fyrir umferð á þessum fjölförnu gatnamótum.
Útbúin verður ný beygjuakrein til hægri inn á Sæbrautina og verður hún ljósastýrð. Til þessa hefur verið þarna ein akrein í báðar áttir og því hafa oft myndast langar bílaraðir á gatnamótunum.
Þetta er ein helsta leið vöruflutningabíla frá Sundahöfn inn á stofnvegi höfuðborgarinnar. Því er ljóst að þessi framkvæmd verður mikil bót.
Settir verða upp nýir ljósastólpar í verkinu. Þá verða tvær nýjar gönguþveranir útbúnar, annars vegar yfir Sægarða, norðan Vatnagarða og hins vegar yfir Vatnagarða vestan Sægarða.
Lesa má nánar um málið í Morgunblaðinu í dag.
Heimild: Mbl.is
