Reykjanesbraut verði lögð í stokk

Til­laga, sem kveður á um að hluti Reykja­nes­braut­ar verði lögð í stokk, varð hlut­skörp­ust í hug­mynda­sam­keppni um þver­un Reykja­nes­braut­ar ásamt byggð yfir og/​eða við Reykja­nes­braut á veg­um Kópa­vogs­bæj­ar.

<>

Ger­breytt yf­ir­bragð blas­ir við Smára­hverfi í Kópa­vogi miðað við vinn­ingstil­lög­una. Þar er einnig gert ráð fyr­ir teng­ing­um fyr­ir vist­væna ferðamáta, svo sem stöð fyr­ir Borg­ar­línu ásamt teng­ingu við Flug­stöð Leifs Ei­ríks­son­ar.

Niðurstaða keppn­inn­ar var kynnt í dag og verðlauna­höf­um veitt­ar viður­kenn­ing­ar. Nafn vinn­ingstil­lög­un­ar er Borg í mót­un/​Grænn miðbær.

Bæj­ar­stjórn Kópa­vogs átti frum­kvæðið að hug­mynda­sam­keppn­inni og var keppn­in unn­in í sam­vinnu við Arki­tekta­fé­lag Íslands.

„Mark­mið Kópa­vogs­bæj­ar með sam­keppn­inni var meðal ann­ars að styrkja svæðiskjarn­ann í Smára og efla tengsl á milli svæða inn­an kjarn­ans fyr­ir alla ferðamáta. Verðlauna­til­lög­ur verða til sýn­is í Bóka­safni Kópa­vogs fram yfir helgi og og aðgengi­leg­ar á vef Kópa­vogs­bæj­ar,“ seg­ir í til­kynn­ingu frá Kópa­vogs­bæ.

Höf­und­ar verðlauna­til­lög­unn­ar eru ASK arki­tekt­ar ehf., Þor­steinn Helga­son, arki­tekt FAÍ, Jakob Jak­obs­son, arki­tekt FAÍ, aðstoð veittu: Anna Mar­grét Sig­munds­dótt­ir, arki­tekt FAÍ og Páll Gunn­laugs­son, arki­tekt FAÍ.

Dóm­nefnd var skipuð eft­ir­far­andi aðilum: Hrafn­kell Ásólf­ur Proppé, skipu­lags­fræðing­ur, formaður dóm­nefnd­ar, full­trúi Kópa­vogs­bæj­ar Berg­ljót Krist­ins­dótt­ir, bæj­ar­full­trúi, full­trúi Kópa­vogs­bæj­ar Hjör­dís Ýr John­son, bæj­ar­full­trúi, full­trúi Kópa­vogs­bæj­ar Birk­ir Ein­ars­son, lands­lags­arki­tekt FÍLA Hans-Olav And­er­sen, arki­tekt FAÍ, MNA.

Heimild: Mbl.is