F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk:
Sægarðar Sæbraut/Vatnagarðar, útboð nr. 15432
Útboðsgögn verða eingöngu aðgengileg á útboðsvef Reykjavíkurborgar á vefslóðinni: http://utbod.reykjavik.is – frá kl. 12:00 þann 4. mars 2022. Smellið á íslenska fánann til að fá útboðsvefinn upp á íslensku. Nýskráning fyrirtækja hefst með því að smella á „Nýskráning“.
Vakin er athygli á að senda verður fyrirspurnir í gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.
Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:15 þann 22. mars 2022.
Ekki verður haldinn formlegur opnunarfundur, sjá má niðurstöðu á vefslóðinni https://reykjavik.is/opnun-tilboda-2022
Lauslegt yfirlit yfir verkið
Verkið felst í breytingum á gatnamóta Sægarða og Vatnagarða. Hægri beygja af Sægörðum inn á Sæbraut verður sett inn í ljósastýringu og gerð verður auka akrein til suðurs í aðdraganda gatnamótanna.
Núverandi umferðareyja verður rifin og miðeyja stækkuð. Gönguþverun verður aðlöguð yfir Sægarða. Á gatnamótum Sægarða og Vatnagarða verða gerðar nýjar miðeyjur.
Settir verða upp nýir ljósastólpar í verkinu. Gangbrautarlýsing við Vatnagarða verður samkvæmt leiðbeiningum Reykjavíkurborgar. Tvær nýjar gönguþveranir verða útbúnar, annars vegar yfir Sægarða, norðan Vatnagarða og hins vegar yfir Vatnagarða vestan Sægarða.
Umferðaljósastólpi verður færður með tilheyrandi lagnavinnu, uppsetning hnappaboxa umferðarskynjara í malbik.
Verkið felst í að fræsa núverandi malbik og grafa og fylla í ný svæði götu, grafa og fylla vegna nýrra gönguleiða, ídráttaröra og götuljósastrengja. Nýjar og breyttar miðeyjur eru bæði steinlagðar með staðsteyptum kantsteini og með yfirkeyranlegu steinlögðu svæði með þríkantsteini.
Lagning áherslusvæða og leiðilína skv. teikningum. Einnig eru yfirkeyranleg svæði steinlögð við nýja götukanta sem einungis stór ökutæki skulu notast við. Skipt verður um jarðveg samkvæmt kennisniðum.
Einnig er innifalið í verkinu að koma fyrir lagnastokk og ídráttarörum fyrir raflagnir Veitna.
Verkinu er áfangaskipt eins og hér segir og að auki má sjá tillögu að áfangaskiptingu á teikningum í teikningahefti. Lagt er upp með að ítarlegri áfangaskipting og tímaáætlun framkvæmda verði unnin í samvinnu verktaka og verkkaupa í upphafi verks.
Áfangi 1
Innifalið í þessum áfanga er fræsing á núverandi malbiki við götukanta, jarðvinna vegna breikkana gatna. Núverandi steypt gönguleið er fjarlægð. Bæði malbikuð og steypt gönguleið eru framkvæmdar í þessum áfanga. Götulýsing er framkvæmd í þessum áfanga.
Áfangi 2
Miðeyja í Vatnagörðum, austan Sægarða er framkvæmd ásamt stækkun á núverandi eyju á Sægörðum við Sæbraut. Einnig eru áherslusvæði unnin í þessum áfanga á núverandi eyjum við ljósastýrða gönguþverun yfir Sægarða við Sæbraut.
Vakin er athygli á að vinna við tengingu nýrrar beygjureinar við Sæbraut skal framkvæma utan háannatíma, þ.e. utan 7:30-9:00 og 15:00-17:30. Sjá teikningu Y201.
Áfangi 3
Gerð miðeyju í Vatnagörðum, vestan Sægarða. Lokafrágangur.
Vakin er athygli á því að framkvæmdatími áfanga gæti skarast og að verið sé að vinna í fleiri en einum áfanga í einu.
Verkið skal vinna í samræmi við ákvæði gildandi reglugerða sem eiga við þessa framkvæmd og er verktaki að fullu ábyrgur fyrir því að þeim sé fylgt.
Helstu magntölur í verkinu eru:
- Upprif á malbiki 375 m2
- Upprif á steyptri stétt 200 m2
- Upprif á steyptum kantsteini 220 m
- Gröftur 1.300 m3
- Fylling 1.100 m3
- Púkkmulningur 275 m2
- Mulningur 335 m2
- Lagning kantsteina 405 m
- Malbikun 850 m2
- Steypt stétt 95 m2
- Hellulögn 300 m2
- Þökulögn 575 m2
- Ljósastólpar 12 stk
Lok framkvæmda 31. júlí 2022
