Vegagerðin og Garðabær bjóða hér með út gerð undirganga undir Arnarnesveg fyrir gangandi og hjólandi vegfarendur.
Núverandi göngu- og hjólastígur beggja vegna Arnarnesvegar verður lagfærður og lagður í undirgöng undir veginn.
Gatnamót yfir undirgöngum verða jafnframt lagfærð, beygjureinum breytt og gönguleiðir uppfærðar. Hluti af framkvæmdinni er einnig gerð bráðabirgða vega og stíga fyrir umferð akandi, gangandi og hjólandi á framkvæmdatíma. Verkið er samstarfsverkefni Vegagerðarinnar og Garðabæjar.
Helstu magntölur eru:
- Gröftur 10.000 m3
- Bergskering 6.400 m3
- Fyllingar 2.000 m3
- Járnbending 119.000 kg.
- Steypa 880 m3
- Malbikun 2.000 m2
- Vegrið 370 m
- Ljósabúnaður og staurar 77. stk.
- Stólpar og undirstöður umferðarljósa 14. stk.
Verkinu skal að fullu lokið 31. nóvember 2022.
Útboðsgögn eru aðgengileg og verða afhent í rafræna útboðskerfinu TendSign frá og með mánudeginum 14. febrúar 2022 og skal tilboðum skilað rafrænt í því útboðskerfi fyrir kl. 14:00 þriðjudaginn 1. mars 2022.
Ekki verður haldinn sérstakur opnunarfundur en eftir lok tilboðsfrests verður bjóðendum tilkynnt um nöfn bjóðenda og verðtilboð.
Leiðbeiningar fyrir útboðsvefinn TendSign.
