Gamma: Novus gaf eftir 2,2 milljarða víkjandi lán á dótturfélag sitt, Upphaf fasteignafélag, á síðasta ári.
Upphaf fasteignafélag hagnaðist um 625 milljónir króna á síðasta ári, samanborið við nærri tveggja milljarða tap árið áður.
Þar munar helst um eftirgjöf á víkjandi láni, að fjárhæð 2,2 milljarðar, frá móðurfélaginu Gamma: Novus „þar sem mat stjórnenda er að það lán muni ekki greiðast“, segir í ársreikningi.
Rekstrartekjur Upphafs námu ríflega 4,5 milljörðum, byggingarkostnaður 4,8 milljörðum, og annar rekstrarkostnaður um 280 milljónum.
Eignir félagsins voru um 10,4 milljarðar í árslok, skuldir voru 11,7 milljarðar og eigið fé neikvætt um 1,25 milljarða.
Félagið seldi 142 íbúðir á 6,7 milljarða á síðasta ári og í ár er búið að selja 69 íbúðir fyrir 4,1 milljarð, samkvæmt ársreikninginn sem var skrifað undir í lok maí.
Framkvæmdir í flestum verkefnum eru sagðar langt komnar og sala á þróunareignum er lokið. Ráðgert að er að ljúka framkvæmdum á vegum félagsins á árinu 2021.
Máni Atlason, framkvæmdastjóri Gamma, segir í samtali við Viðskiptablaðið að félagið einbeiti sér að þeim verkefnum sem það standi frammi fyrir og að ekki hafi verið tekin ákvörðun um framtíð Upphafs.
Heimild: Vb.is
