Home Á döfinni Fyrirhugaðar opnanir útboða 21.10.2021 Þróttur – Laugardal – Æfingavellir – Gervigras – Jarðvinna og...

21.10.2021 Þróttur – Laugardal – Æfingavellir – Gervigras – Jarðvinna og lagnir

28
0
Þróttur – Laugardal Mynd: Visir.is

F.h. umhverfis- og skipulagssviðs Reykjavíkurborgar er óskað eftir tilboðum í eftirfarandi verk:

Þróttur – Laugardal – Æfingavellir – Gervigras – Jarðvinna og lagnir, útboð nr. 15323.

Útboðsgögn verða aðgengileg á útboðsvef Reykjavíkurborgar frá kl. 12:00 þann 1. október 2021, á vefslóðinni: http://utbod.reykjavik.is   Nýskráning fyrirtækja hefst með því að smella “Nýskráning“.

Vakin er athygli á að allar fyrirspurnir verður að senda gegnum útboðsvef Reykjavíkurborgar. Fyrirspurnum sem berast með öðrum hætti verður ekki svarað.

Tilboðum skal skila með rafrænum hætti á framangreindan útboðsvef Reykjavíkurborgar eigi síðar en: Kl. 10:00,  21. október 2021.

Lauslegt yfirlit yfir verkið:

Í dag er náttúrugras á knattspyrnuæfingasvæði Þróttar í Laugardal. Á svæðinu skal ganga að fullu frá tveimur upphituðum æfingavöllum með gervigrasyfirborði. Gengið verður frá tæknikerfum í nýju staðsteyptu tæknirými suðvestan valla. Umhverfis völlinn kemur ný vallarlýsing sem þegar hefur verið boðin út og er ekki er hluti þessa útboðs. Aftan við föst mörk á skammhliðum verður gengið frá boltanetum. Umhverfis vellina tvo og á milli þeirra verða settar upp galvanhúðaðar stálrimlagirðingar, göngu- og keyrsluhlið auk þess sem girðing á mön aftan við vallarsvæðin verður endurnýjuð.

Hér á eftir verður gerð nánari grein fyrir framkvæmdinni:

  • Grafa skal upp lífrænt efni undir núverandi náttúrugrasi ásamt grasyfirborðinu. Þykkt er áætluð um 40cm að jafnaði.
  • Verktaki skal koma fyrir nýjum niðurföllum á gervigrasvallarsvæðunum tveimur og tengja við núverandi lagnir í samræmi teikn. VSÓ nr. 1.33.
  • Ganga skal að fullu frá stofnlögnum og snjóbræðslulögnum beggja valla undir komandi gervigras.
  • Ganga skal að fullu frá vatnsleiðslu með slöngustútum í miðju á milli gervigrasvallanna ásamt stofnlögnum að þeim.
  • Ganga skal frá jarðstrengjum út í ljósamöstur ásamt ídráttarrörum í jörðu auk strengja í markatöflu sem boðin verður út sérstaklega.
  • Ganga að fullu frá nýju uppsteyptu tæknirými við SV horn vallarsvæða.
  • Ganga að fullu frá tæknikerfum fyrir snjóbræðslu og vallarlýsingu í nýju tæknirými.

Helstu magntölur verksins eru:

  • Upprif á malbiki                                     2.300     m2
  • Uppgröftur og brottakstur                       9.650     m3
  • Malarfylling                                            8.930     m3
  • Jarðvinna vegna lagna                            1.100     m
  • Steypumót                                                335     m2
  • Steypujárn                                                420     kg
  • Steinsteypa                                              155     m3
  • Fráveitulagnir                                           750     m
  • Fráveitubrunnar                                           6     stk.
  • Vatnslagnir                                               200     m
  • Snjóbræðslulagnir                                62.790     m
  • Jarðstrengir                                           3.000     m
  • Jöfnunarlag                                         20.500     m2
  • Nýtt malbik                                            3.750    m2
  • Sögun malbiks                                         520     m
  • Girðingar                                                  685     m
  • Þökulögn                                               3.600     m2

Lok framkvæmdatíma:  20. maí 2021

Previous articleOpnun útboðs: Garðabær. Framkvæmdir við gatnagerð í Þórsgrund
Next articleTveggja milljarða hagnaður Valsfélags