Ákveðið hefur verið að endurskipuleggja og breyta þriðju hæð Kringlunnar og er kostnaður áætlaður um milljarður króna.
Framkvæmdirnar munu taka eitt og hálft til tvö ár.
Samkvæmt fréttatilkynningu munu framkvæmdir við þriðju hæðina hefjast innan tíðar en á hæðinni mun verða boðið upp á nýbreytni í afþreyingu og veitingum.
Þetta verður viðbót við Sambíóin og Borgarleikhúsið. Ævintýralandið fær meðal annars yfirhalningu í þessum breytingum.
World Class opnaði nýverið útibú í suðurhluta Kringlunnar og þjónustuver Kringlunnar, þar sem sækja má netpantanir úr verslunum utan afgreiðslutíma, eru innan svæðisins.
Innan skamms verður nýr veitingastaður, Finnsson Bistro, opnaður á svæðinu.
Heimild: Mbl.is
