Samkvæmt fjárhagsáætlun Reykjanesbæjar fyrir næsta ár, sem samþykkt var í vikunni, er gert ráð fyrir að ráðist verði í margvíslegar framkvæmdir á árinu.
Til viðbótar við árlegt viðhald fasteigna og gatnakerfis eru nokkur stærri verkefni á döfinni.
Má þar nefna nýframkvæmd á íþróttahúsi og sundlaug við Stapaskóla, nýtt hjúkrunarheimili, nýja hreinsistöð fráveitu og framkvæmdir og uppbyggingu við Njarðvíkurhöfn.
Helstu fjárfestingar á árinu 2021:
- Stapaskóli – íþróttahús og sundlaug, 1. áfangi, 650 millj.kr.
- Njarðvíkurhöfn 189 millj.kr. hlutur eftir framlag frá ríkinu
- Nýtt hjúkrunarheimili 100 millj.kr.
- Viðbygging við Fjölbrautarskóla Suðurnesja 20 millj.kr.
- Gervigrasvöllur við Reykjaneshöll 100 millj.kr.
- Heilsustígar og umhverfisverkefni 150 millj.kr.
- Önnur verkefni 80 millj.kr.
Heimild: Sudurnes.net
