F.h. umhverfis- og skipulagssviðs Reykjavíkurborgar er óskað eftir umsóknum ráðgjafa um að fá að taka þátt í lokuðu útboði vegna:
Klettaskóli. Viðbygging og endurbætur – EFTIRLIT. Forval nr. 13584.
Verkið samanstendur af þremur meginhlutum. Í fyrsta lagi er nýbygging norðvestan við núverandi hús, sem inniheldur íþróttahús og sundlaug, hátíðarsal og aðalanddyri. Í öðru lagi er félagsmiðstöð í nýbyggingu austan við núverandi hús. Í þriðja lagi er létt viðbygging sem kemur ofan á miðálmu núverandi húss og inniheldur nýja stjórnunardeild. Í fjórða lagi er endurgerð núverandi húss að innan ásamt lítilsháttar ytri breytingum. Endurgerðin er mismikil eftir húshlutum, mestu er breytt í vestur- og suðurálmu, en nokkrar breytingar eru einnig í austur- og miðálmu.
Forvalsgögn á geisladiski verða seld á 3.000 kr. frá mánudeginum 24. ágúst 2015 í þjónustuveri Reykjavíkurborgar, 1. hæð, Borgartúni 12–14, 105 Reykjavík.
Umsóknum skal skila eigi síðar en: Kl. 13:00 Föstudaginn 4. september 2015 í Borgartúni 12-14, 105 Reykjavík. Umsóknum skal skilað í þjónustuver Reykjavíkurborgar.
