Pólskur karlmaður á sextugsaldri lést í vinnuslysi í Mosfellsbæ í gær. Slysið varð í nýbyggingu í Sunnukrika um miðjan dag í gær.
Gólfplata hrundi með þeim afleiðingum að einn maður lést og annar slasaðist alvarlega.
Sá síðarnefndi er pólskur karlmaður um fimmtugt. Hann komst sjálfur út úr byggingunni og var fluttur mikið slasaður á slysadeild. Líðan hans er eftir atvikum að sögn lögreglu.
