Verkís hf., fyrir hönd Fasteignafélags Árborgar slf., kt 460704-3590, Austurvegi 2, 800 Selfoss, óskar eftir tilboðum í eftirlit með uppbyggingu nýs fjölnota íþróttahúss á íþrótta- og útivistarsvæði við Engjaveg.
Reisa skal fjölnota íþróttahús á íþróttasvæði UMFS að Engjavegi, 800 Árborg.
Húsið er skilgreint sem fjölnota æfingahús fyrir knattspyrnu ásamt æfingaaðstöðu fyrir frjálsar íþróttir.
Áætlaður mannfjöldi í húsi er 350 manns við æfingar að jafnaði og allt að 1500 manns á sérstökum viðburðum. Þó gerir brunahönnun hússins ráð fyrir flóttaleiðum og reykræsingu fyrir 3000 manns í húsinu.
Hlutverk eftirlits:
Eftirlitsverk skal unnið samkvæmt útboðlýsingu og verklýsingu.
Eftirlitsmaður aðstoðar umsjónarmann verkkaupa (byggingarstjóra) við daglegt eftirlit með verklegum framkvæmdum og sinnir lögboðnum skyldum byggingarstjóra eftir leiðsögn hans.
Eftirlitsmaður skal með eftirliti sínu tryggja að framkvæmdir verði í fullu samræmi við útboðsgögn verkframkvæmdar og sjá til þess að tilskyldar gæðakröfur séu uppfylltar, án þess að ganga inn á verksvið byggingarstjóra, ráðgjafa, verktaka, eða verkkaupa.
Farið verður yfir allar umsóknir og verður hæfi og geta umsækjanda metin út frá þeim upplýsingum sem þeir leggja fram með umsókn sinni.
Útboðsgögn verða afhent með rafrænum hætti frá og með 03. Janúar 2020. Senda skal ósk um gögn á tölvupóstfang verkis.selfoss@verkis.is með nafni fyrirtækis, heimilisfangi og síma.
Tilboðum skal skila til Ráðhúss Árborgar, Austurvegi 2, 800 Selfoss fyrir kl. 11:00, þriðjudaginn 21. janúar 2020, en þá verða þau opnuð að viðstöddum fulltrúum verkkaupa og þeim bjóðendum sem þess óska.
