VERS-2019-24 – Þjónusta iðnaðarmanna í veitukerfum
Í rammasamningsútboði þessu er leitað tilboða í þjónustu rafvirkja, pípara og málmiðnaðarmanna við viðhaldsþjónustu, endurnýjun og viðbótum á veitukerfi Veitna.
Vinna mun ýmist fara fram á verkstæði kaupanda, verkstæði verktaka, í dælu- og aðveitustöðvum eða á og við verkstaði við veitukerfið hverju sinni.
Starfsmenn verktaka koma til með að vinna að verkefnum sem hluti af verkefnahópum Veitna eða þá taka að sér verkefni í heild sinni. Í síðarnefndu tilvikunum mun verktaki bera alla ábyrgð á því verki.
Þjónustan skal afhent á þremur mismunandi svæðum; Vesturlandi, höfuðborgarsvæðinu og Suðurlandi.
Útboðsgögn hafa verið birt á útboðsvef Orkuveitu Reykjavíkur og skal tilboðum skilað fyrir kl. 13:00, 9. október nk.
