Í verkinu felst hálkuvörn og snjóruðningur á helstu göngu- og hjólaleiðum í Kópavogi frá hausti 2019 til vors 2022. Boðið skal í ákveðin svæði og bæjarhluta, heimilt er að bjóða í einn eða fleiri hluta.
Vegalendir eru:
Svæði A, samgöngustígar – 31 km
Svæði 1, Kársnes – 10 km
Svæði 2, Digranes – 30 km
Svæði 3, Smára-, Linda- og Salahverfi – 23 km
Svæði 4, Kóra-, Þinga- og Hvarfahverfi – 19 km
Útboð þetta er auglýst á Evrópska efnahagssvæðinu (EES).
Útboðsgögn verða afhent rafrænt og skulu þeir sem óska eftir útboðsgögnum fyrir verk þetta senda tölvupóst á netfangið utbod@kopavogur.is frá og með mánudeginum 29. júlí nk. Í tölvupósti skal koma fram nafn tengiliðar vegna útboðsins, símanúmer, netfang og nafn fyrirtækis.
Tilboð skulu hafa borist í Þjónustuver Kópavogsbæjar að Digranesvegi 1, 200 Kópavogur í lokuðu umslagi merkt “Vetrarþjónusta göngu- og hjólaleiða”, fyrir kl. 10:00 þriðjudaginn 3. september 2019 og verða þau þá opnuð í viðurvist þeirra bjóðenda sem þar mæta.
