Vegagerðin óskar eftir tilboðum í eftirlit með smíði nýrra brúa á Steinavötn og Fellsá ásamt rifi á steyptri brú yfir Steinavötn, vegtengingu við nýjar brýr, byggingu bráðabirgðahjáleiðar og tengingu bráðabirgðabrúar við Fellsá og rifi á núverandi brú yfir Fellsá ásamt frágangi vegsvæðis.
Val bjóðanda fer fram á grundvelli hæfnisvals og verðs og ber bjóðanda að leggja fram tilboð sitt í tveimur hlutum, þ.e. upplýsingar um hæfni bjóðanda og verðtilboð.
Útboðsgögn verða afhent hjá Vegagerðinni Borgartúni 7 í Reykjavík (móttaka), frá og með mánudeginum 22. júlí 2019.
Skila skal tilboðum á sama stað fyrir kl. 14:00 miðvikudaginn 7. ágúst 2019 og verða þau opnuð þar kl. 14:15 þann dag og lesið upp hverjir hafa skilað inn tilboðum.
Síðari opnunarfundur verður á sama stað þriðjudaginn 13. ágúst 2019 kl. 14:15 þar sem lesin verður upp stigagjöf bjóðenda í hæfnismati og verðtilboð hæfra bjóðenda opnuð.
