Skófla sem fór í gegnum vatnslögn olli því að skrúfa þurfti fyrir vatnið á svæðinu.
Óhapp olli því að skófla fór í gegnum vatnslögn við framkvæmdir á Hverfisgötu. Búið er að skrúfa fyrir vatnið en óljóst er hve margir íbúar eru nú án vatns.
Ekkert vatn á Hótel 101
Starfsmenn 101 Hótels segja ekkert uppþot vera innan hótelsins og sögðu óvíst hvað yrði gert ef vatn kæmi ekki brátt aftur á. Starfsmaður hótelsins sagði vinnumenn á svæðinu ekki vilja tjá sig og að þau biðu úrlausnar málsins. Júlía Björgvinsdóttir, hótelstjóri, segir alla vera rólega á staðnum og að tímabundið vatnsleysi muni ekki koma niður á gestum hótelsins.
Óhöpp koma fyrir
Þór Gunnarsson, verkefnisstjóri framkvæmdarinnar, segir að verið sé að vinna í því að stöðva lekann. „Þetta er bara óhapp, svona náttúrlega gerist og vonandi ná þeir að laga þetta fljótt aftur.“ Hann segir óljóst hvort tafir verði á framkvæmdum við Hverfisgötu en vonar að slysið komi ekki að sök.
Heimild: Frettabladid.is
