Íslandspóstur opnaði nýtt pósthús á Selfossi í morgun við Larsenstræti 1. Fyrsti viðskiptavinurinn, Sigurgeir Snorri Gunnarsson sem býr í Hveragerði var leystur út með blómvendi.
Nýja pósthúsið er á einni hæð og stærð þess er rúmir 650 fermetrar.
Verktakafyrirtækið Vörðufell á Selfossi sá um byggingu hússins sem kostaði tæplega þrjú hundruð milljónir króna.
Húsið var byggt á einu ári.
Hjá Íslandspósti á Selfossi starfa fjörutíu og þrír starfsmenn með öllum póstafgreiðslum í Árnessýslu.
Viðskiptavinum pósthússins verður boðið upp á kaffi og veitingar í dag en formlega vígsla fer fram kl. 17:00 að viðstöddum Sigurður Inga Jóhannssyni, ráðherra og Ingimundi Sigurpálssyni, forstjóra Íslandspósts svo einhverjir séu nefndir.
Heimild: Visir.is
