F.h. Umhverfis- og skipulagssviðs Reykjavíkurborgar er óskað eftir tilboðum í eftirfarandi verk:
Háaleitisskóli Álftamýri, þakviðgerðir 2015 – Útboð nr. 13506
Verk þetta nær til viðgerða og endurbóta á þaki og veggjum skólans. Verkið felst í endurnýjun á þéttilagi þakanna, þ.e. að fjarlægja núverandi þakdúk, endureinangra ofan á loftaplötu yfir gangi skólans, gera við gluggasúlur ásamt tilheyrandi múrviðgerðum, leggja nýjan asfaltdúk á þakið ásamt tilheyrandi frágangi þakdúks.
Framkvæma skal verkið samkvæmt verklýsingum EFLU og í samræmi við ákvæði gildandi reglugerða sem eiga við þessa framkvæmd og er verktaki að fullu ábyrgur fyrir því að þeim sé fylgt.
Helstu magntölur verksins:
| Rif og hreinsun á þakdúk | 440 m2 |
| Rif og hreinsun FOAMGLAS einangrun | 185 m2 |
| Einangrun með steinull | 185 m2 |
| Einangrun með steinullarfleygum | 80 m2 |
| Múrviðgerðir á gluggasúlum | 40 stk. |
| Frágangur á þakbrúnum | 135 m |
| Blikkfrágangur við gluggalanghlið | 75 m |
Verktími er 10. júní til 15. ágúst 2015.
Útboðsgögn á geisladiski verða seld á 3.000 kr. frá kl. 13:00 mánudaginn 11. maí 2015 í þjónustuveri Reykjavíkurborgar, Borgartúni 12–14, 1.hæð, 105 Reykjavík.
Opnun tilboða: Þriðjudaginn 26. maí 2015 kl. 10:00, í Borgartúni 12-14. Tilboðum skal skilað í þjónustuver Reykjavíkurborgar.
