Icelandair óskaði eftir því að fá lóð í Reykjanesbæ til þess að byggja húsnæði fyrir starfsfólk.
IGS, sem annast þjónustu við flugfélög og farþega á Keflavíkurflugvelli, vill byggja einingaríbúðir undir starfsfólk Keflavíkurflugvallar í Reykjanesbæ. Félagið, sem er hluti af Icelandair Group, sendi inn erindi á Reykjanesbæ þar sem félagið óskaði eftir að byggja tveggja til þriggja hæða byggingu úr um 500 íbúðaeiningum á Fitjum í Reykjanesbæ milli Njarðarbrautar og Sjávargötu.
Erindinu var hafnað á fundi umhverfis- og skipulagsráðs Reykjanesbæjar þar sem byggingamagn væri ekki í neinu samræmi við nálæga íbúðabyggð. Guðjón Arngrímsson, upplýsingafulltrúi Icelandair, segir félagið hafa verið með til skoðunar að finna húsnæði fyrir starfsfólk á Keflavíkurflugvelli. Þetta sé ein af þeim hugmyndum.
Heimild: Vb.is
