Home Fréttir Í fréttum Óskað eftir tilboðum í færanlega viðbyggingu fyrir leikskóla

Óskað eftir tilboðum í færanlega viðbyggingu fyrir leikskóla

79
0
Mynd: Vf.is

Reykjanesbær hefur óskað eftir tilboðum í um 585 fermetra viðbyggingu við núverandi byggingu að Skógarbraut 932 í Reykjanesbæ. Um er að ræða leikskólabyggingu. Verkið er fólgið í útvegun og byggingu viðbyggingar sem skal vera úr einingum sem auðvelt er að reisa og taka niður til uppsetningar annarsstaðar.

„Viðbygging skal vera úr gámaeiningum eða öðrum sambærilegum og jafngóðum einingum sem unnt skal vera að taka niður eftir uppsetningu og setja upp annarsstaðar ákveði verkkaupi svo seinna. Einingar eru gólf-, vegg- og þakeiningar skulu vera fullbúnar utan sem innan tilbúnar til notkunar eftir uppsetningu,“ segir í útboðsgögnum.

Útboðsgögn eru afhent á rafrænuformi en tilboð skulu hafa borist á skrifstofur umhverfissviðs Reykjanesbæjar að Tjarnargötu 12 í Reykjanesbæ fyrir kl. 11:00 mánudaginn 29. janúar 2018 og verða tilboð opnuð þar á sama tíma að viðstöddum þeim bjóðendum sem þess óska.

Heimild: Vf.is

Previous articleOpnun útboðs: Hreinsun þjóðvega í Reykjavík 2018-2021
Next articleFækka þarf innanlandsflugvöllum komi ekki til meira fjármagn